Julie Anne San Jose, nauhaw, nabulol sa pag-cover ng kantang ito

Julie Anne San Jose in four split frames from her Instagram account
Aminado si Julie Anne San Jose na talagang nahirapan daw siya sa ginawang pag-cover sa “Bagsakan” ng Parokya ni Edgar. PHOTO/S: @myjaps Instagram

Hindi napigilan ni Julie Anne San Jose na kiligin nang mag-post ng comment sa kanyang Instagram account ang lead singer ng Parokya ni Edgar na si Chito Miranda.

Video: GMA News.

Ginawan kasi ni Julie Anne ng cover ang kanta ng Parokya ni Edgar na “Bagsakan.”

Ang “Bagsakan” ang 2005 hit rap song ng nabanggit na banda kunsaan kasama pa nila sa pagra-rap ang yumaong “King of Pinoy Rap” na si Francis Magalona at ang rapper ding si Gloc-9.

Content ni Julie Anne sa kanyang YouTube channel ang cover niya ng “Bagsakan,” at sa interview sa kanya ni Cata Tibayan ng 24 Oras, inamin niyang nauhaw at nabulol siya sa pag-rap ng parts nina Chito, Francis, at Gloc.

Pero sulit naman daw ang hirap niya dahil sa nakuhang mensahe ng paghanga mula kay Chito.

Chito Miranda, Julie Anne San Jose exchange on Instagram.
PHOTO/S: @myjaps Instagram

“Kinilig ako,” pag-amin ni Julie Anne.

Hinahamon naman niya ngayong tapatan nina Mark Bautista, Christian Bautista, Aicelle Santos, at Rayver Cruz ang ginawa niyang pagra-rap.

 

 

Source: https://www.pep.ph/guide/music/151448/julie-anne-san-jose-covers-parokya-ni-edgar-bagsakan-a713-a4263-20200515
by NMI Multimedia 
Text: Rommel R. Llanes